• Komisarioa: Marino Goñi Olóriz.
• Prentsa-oharra: ikusi hemen.
• Bisitak: 15.322 bisita.
• Mahai-inguruak: ikusi prentsa-oharra.
  • “Discofilia. La radio musical en los 60”
  • “La difícil pervivencia del rock navarro en los 70”
  • “Los 80. El rock navarro detona”
  • “Los 90. Consolidación y diversidad del rock en Navarra"
• Dokumentalen proiekzioa: 
  • ‘The Kelly Family. Searching for the Magic Golden Harp’, 2024ko irailaren 12a.
  • Marino Goñiren ‘Córtate el pelo’, 2024ko urriaren 24a.
  • Eriz Zapirainen ‘Salda badago’, 2024ko urriaren 8a.
  • Beatriz Echeverríaren ‘Sonido Pamplona’, 2024ko urriaren 14a.
• Aurkezpenak: 
  • Disco Club 29, 2024ko urriaren 2a.

Erakusketa hau antolatu da Nafarroako Artxibo Nagusiak musika funts berriak jaso dituelako Nafarroako Musikaren eta Arte Eszenikoen Artxiboaren programaren bidez. Erakusketa Nafarroako rockari buruzkoa da, kritikaren ikuspuntutik XX. mendeko azken lau hamarkadetan eragin handia izan baitzuen, eta ikaragarrizko arrakasta, Espainiako eszenatoki garrantzitsuenetariko batzuetan.

Erakusketa hainbat eremutan banatuta dago, eta garai horretako Nafarroako musika talde garrantzitsuenetako batzuen zuzeneko emanaldien argazkiak eta kartelak biltzen ditu.  Halaber, rock and roll lokal birtual bat birsortu dute eszenatoki txiki batekin; proiekzio pantaila bat ere badago, erakusketako artista batzuen bideo klipak eta kontzertuak ikusteko, eta horma irudi batzuk ere bai, ikuspegi grafikotik adierazgarrienak diren musika diskoen azalak birsortzen dituztenak. Kripta protogotikoaren barruan, ibilbide kronologiko batek lau hamarkadatan, –1960tik 2000ra– banatzen du espazioa, irudi eta testu bidezko informazioarekin, artisten argazkiekin, disko azalen erreprodukzioekin eta prentsako notiziekin. Azken horietan, Espainian eta nazioartean garai horretan izandako gertakari nagusiak jasotzen dira, baita musikaren arlokoak ere. Aretoaren erdigunean, eta hamarkada horien arabera banatuta, beira arasak daude, Nafarroako rockaren bilakaeraren eta garapenaren lekuko diren jatorrizko piezekin. Kriptaren hondoan, tamaina handiko argi kaxa bat dago, 250 disko azal baino gehiago birsortzen dituena, gehienak ohiko LP formatukoak.