San Frantzisko Xabierkoaren jaiotzaren V. mendeurrenean antolatu da erakusketa, haren figura testuinguruan hartzeko helburuarekin; hala, aurrekari historikoen eta santuaren bizitzaren lehen etapako ingurune soziala ikuspegi koherente batetik erakusten ditu. Figura horren inguruan egituratu zen zortzi mendez Xabierko jaurerriaren (konderria 1626tik aurrera) patuak zuzendu dituen noble-leinua.

Berrogeita hamar bat dokumentu bildu dira, Nafarroako Errege Artxibo Nagusikoak denak, salbu eta Frantzisko Xabierkoak 1541ean idatzitako gutun bat, Xabierko santutegikoa. Zortzi mendetakoak dira (XIII.etik XX.era), eta mota askotako dokumentuak daude: kartularioak, kontu-erregistroak, ordainagiriak, errege-mandatu eta -zedulak, notarioek idatzitako kontratuak, prozesu judizialak, pribilegioak, ordainketa-aginduak, negoziazio diplomatikorako jarraibideak, akta-liburuak, agiri laburrak eta foru-legeak.